பைக் வாங்கலாமா?

'கார் என்பது போக்குவரத்துக்கு. பைக்ஸ் இதயத்துக்கு!' - வெளிநாடுகளில் மோட்டார் சைக்கிளை இப்படித்தான் வர்ணிக்கிறார்கள். ஆனால், இந்தியாவில் இதைத்

தலைகீழாகத்தான் வாசிக்க வேண்டும். இங்கே போக்குவரத்துக்குத்தான் பைக்குகள் அதிகம் பயன்படுத்தப்படுகின்றன. அதனால், பைக்குகளின் விற்பனை நாளுக்கு நாள் கூடிக் கொண்டே செல்கிறது. நம் நாட்டில் மாதந்தோறும் 3,450 கார்கள் விற்பனையானால், 19,800 மோட்டார் சைக்கிள்கள் சராசரியாக விற்பனையாகின்றன.

பைக் ஆசை, 18 வயது இளைஞன் துவங்கி 60 வயது பெரியவர் வரை அனைவருக்குமே இருக்கிறது. கல்லூரி மாணவனுக்கு, பைக் என்பது ஸ்டைலாகவும் வேகமாகவும் பறக்க வேண்டும். அன்றாடம் அலுவலகத்துக்கு சென்று வருபவருக்கோ பர்ஃபாமென்ஸ், மைலேஜ், விலை என மூன்றுமே முக்கியம். ஆனால், 40 வயதைக் கடந்தவர்களுக்கு முதுகு வலி, கை வலி உள்பட பர்ஸ§க்கும் வலியை ஏற்படுத்தாத பட்ஜெட் பைக் வேண்டும். யார் என்ன பைக் வாங்க வேண்டும்... எந்த பைக் வாங்கக் கூடாது?

பைக் வாங்குவதும் கார் வாங்குவதைப் போலத்தான். உங்கள் தேவையைப் பொறுத்துத்தான் தீர்மானிக்க வேண்டும். விலை, மைலேஜ், பர்ஃபாமென்ஸ் இந்த மூன்றில் எது உங்களுக்கு முக்கியமோ... அதுதான் நீங்கள் வாங்கப் போகும் பைக்கை முடிவு செய்யும். வெளிநாடுகளில் உள்ளது போல நமக்கு பைக் மாடல்கள் நிறைய இல்லை. கிட்டத்தட்ட 50 பைக்குகள்தான் நம் நாட்டில் விற்பனையில் உள்ளன. இதில், உங்களுக்கான பைக்கை சுலபமாகத் தேர்ந்தெடுக்கலாம். வாங்க... உங்க பைக்கைத் தேடலாம்!

பிராண்ட் மற்றும் நம்பகத்தன்மை!

பொதுவாக கார்களைவிட பைக்கை அதிக ஆண்டுகளுக்குப் பயன்படுத்துவோம். அதனால், நாம் வாங்கும் பைக் அதிக ஆண்டுகளுக்கு உழைக்க வேண்டும் என்பதால், மோட்டார் சைக்கிளின் பிராண்ட் மிக மிக முக்கியம். மார்க்கெட்டில் நீங்கள் வாங்க இருக்கும் பைக்கைத் தயாரிக்கும் நிறுவனத்தின் நன்மதிப்பும் அதன் நம்பகத்தன்மையும் எப்படி இருக்கின்றன என்பதை முதலில் தெரிந்து கொள்ளுங்கள்.

பைக்குகளை எப்படியும் இரண்டு மாதத்துக்கு ஒருமுறை சர்வீஸ் செய்ய வேண்டியிருக்கும். அதனால், சம்பந்தப்பட்ட பைக் நிறுவனத்தின் சர்வீஸ் தரம் எப்படி என்பதும் முக்கியம். சில பைக்குகளின் உதிரி பாகங்கள் விலை அதிகமாக இருக்கும். ஆனால், அவை நீண்ட காலத்துக்கு உழைக்கும். சில பைக்குகளின் உதிரி பாகங்கள் விலை குறைவாக இருக்கும். ஆனால், அடிக்கடி பழுதடையும். அதனால் பைக் வாங்கும்போதே அதன் சர்வீஸ் மற்றும் உதிரி பாகங்களின் விலை பற்றியும் தெரிந்து கொள்ள வேண்டியது அவசியம். விலை குறைவாக இருக்கிறது என்பதற்காக மட்டுமே ஒரு பைக்கை வாங்கிவிடாதீர்கள். அவற்றின் சர்வீஸ், பராமரிப்புச் செலவுகளையும் கவனத்தில் வையுங்கள்.

நம் நாட்டைப் பொறுத்தவரை, அதிகமான மோட்டார் சைக்கிள்கள் விற்பனையாகும் செக்மென்ட் 100 சிசி-தான். ஹீரோ ஹோண்டா மட்டும் மாதத்துக்குக் கிட்டத்தட்ட இந்த செக்மென்டில் மட்டுமே இரண்டு லட்சம் மோட்டார் சைக்கிள் வரை விற்பனை செய்கிறது. ஸ்டைலும், வேகமும் முக்கியம் இல்லை. மைலேஜ் அதிகமாகவும், முதுகு வலி, உடல் வலி போன்ற தொல்லைகள் இல்லாமல், அதிக தூரம் பயணிக்க உதவியாக இருக்க வேண்டும் என்பவர்களுக்குத்தான் 100 சிசி பைக்ஸ். நம் நாட்டில் இப்போதைக்கு ஹீரோ ஹோண்டா ஸ்ப்ளெண்டர் ப்ளஸ்தான் இந்த செக்மென்டில் கில்லி!

யாருக்காக? 

நகருக்குள் எந்தப் பிரச்னையும் இல்லாமல் பயணம் செய்ய விரும்புகிறவர்களுக்காகத் தயாரிக்கப்படுகிறது.

ஸ்போர்ட்டி, பர்ஃபாமென்ஸ், மைலேஜ் என மூன்றையுமே எதிர்பார்ப்பவர்களுக்கான செக்மென்ட் இது. நம் நாட்டில் அனைத்து பைக் தயாரிப்பாளர்களுமே இந்த செக்மென்ட்டில் பைக் வைத்திருக்கிறார்கள். இதில் ஒரு பைக்கைத் தேர்வு செய்வதுதான் சற்று சிரமமாக இருக்கும்.

கிட்டத்தட்ட இந்த வகை பைக்குகளின் மைலேஜ் ஒரே மாதிரியாகத்தான் இருக்கும். ஒவ்வொரு பைக்குகளுக்கும் இடையே பர்ஃபாமென்ஸிலும் சின்னச் சின்ன வித்தியாசங்கள்தான். ஸ்டைல்தான் எக்ஸிக்யூட்டிவ் பைக்குகளை வேறுபடுத்திக் காட்டுகிறது. அதனால், பைக்கின் ஸ்டைல் உங்களுக்குப் பிடித்திருந்து, சீட்டிங் பொசிஷன், சஸ்பென்ஷன் ஆகியவையும் உங்கள் சௌகரியத்துக்கு ஏற்றபடி இருந்தால், இந்த செக்மென்ட்டில் ஒன்றை உடனடியாக டிக் செய்யுங்கள்.

யாருக்கு?

 ஸ்டைல், பர்ஃபாமென்ஸ், மைலேஜ் என மூன்றுமே எதிர்பார்ப்பவர்களுக்காகத் தயாரிக்கப்படுகிறது.

இளைஞர்களின் ஏரியா இது. பஜாஜ் பல்ஸர் முதல் இப்போது வெளிவந்திருக்கும் யமஹா ஃபேஸர் என ஏகப்பட்ட மோட்டார் சைக்கிள்கள் களத்தில் இருக்கின்றன. இதுவும் எக்ஸிக்யூட்டிவ் செக்மென்ட் மாதிரிதான். இதிலும் பைக்குகளுக்கிடையே பர்ஃபாமென்ஸ் மற்றும் மைலேஜில் பெரிய வித்தியாசம் எதுவும் இல்லை. ஸ்டைல் மற்றும் வசதிகளில்தான் ஒவ்வொரு மோட்டார் சைக்கிள்களும் வேறுபடுகிறது. இளைஞர்களை ஈர்க்க வேண்டும் என்பதற்காகவே மோனோ ஷாக் சஸ்பென்ஷன், இரட்டை டிஸ்க், ஃப்யூல் இன்ஜெக்ஷன், டிஜிட்டல் மீட்டர், ஸ்ப்ளிட் சீட் என புதுப் புது வசதிகள் இந்த வகை பைக்குகளில் அறிமுகமாகிக்கொண்டே இருக்கின்றன. வசதிகளுக்கு ஏற்ப விலையும் ஏறிக்கொண்டே போகும். பைக்கின் ஸ்டைலைப் பொறுத்து இந்த செக்மென்டில் எந்த பைக்கை வாங்கலாம் என முடிவு செய்யுங்கள்.

பவர் அதிகமாக இருக்க வேண்டும் என்று எதிர்பார்ப்பவர்களுக்கான பைக்குகள் இவை. பஜாஜ் பல்ஸர் 180 மற்றும் 220 சிசி, டிவிஎஸ் அப்பாச்சி 180 மற்றும் ஹீரோ ஹோண்டா கரீஸ்மா என்று மொத்தமே நான்கு பைக்குகள்தான் இந்த வரிசையில் உள்ளன. இதில் பவர்ஃபுல்லான பைக் பஜாஜ் பல்ஸர் 220. ஹீரோ ஹோண்டா கரீஸ்மா அதிக தூரம் சிரமம் இல்லாமல் பயணம் செய்ய விரும்புவர்களுக்கான ஸ்போர்ட்ஸ் டூரர் பைக். பஜாஜ் பல்ஸர் 180 மற்றும் அப்பாச்சி 180 பைக்குகள், 'கையில் பணம் கொஞ்சம் குறைவாகத்தான் இருக்கிறது; ஆனால், பவர்ஃபுல் பைக் வேண்டும்' என்பவர்களுக்கானது.

யாருக்காக?

குறைந்த விலையில் ஸ்டைலான பர்ஃபாமென்ஸ் பைக்குகளை எதிர்பார்ப்பவர்களுக்கானது!

ராயல் என்ஃபீல்டு பைக்குகள்தான் இதில் ராஜா. பஜாஜ் அவென்ஜரும் டூரிங் பைக்தான் என்றாலும், ரசிகர்களின் வரவேற்பு இதற்கு அதிகமாக இல்லை. நெடுஞ்சாலையில் 80 கி.மீ வேகத்தில் 'க்ரூஸ்' செய்யவும், கரடு முரடான பாதைகளில் ஏறி இறங்கவும் ராயல் என்ஃபீல்டு பைக்குகள் ஒத்துழைக்கும். அடிக்கடி மூட்டை முடிச்சுகளோடு சுற்றுலாத் தலங்களுக்குச் சென்று வருபவர் என்றால், டூரிங் பைக்குகளை வாங்கலாம். இவற்றின் விலை சாதாரண பைக்குகளைவிட கொஞ்சம் அதிகமாக இருக்கும்.

யாருக்காக? 

அடிக்கடி ஊர் சுற்றக் கிளம்பும் சுற்றுலாப் பிரியர்களுக்கானது!

வாரத்துக்கு ஒருமுறை கிழக்குக் கடற்கரைச் சாலையில் ஜாலியாகச் சுற்றி வரவும், மாதத்துக்கு ஒருமுறை ரேஸ் டிராக்கில் பறக்கவும் விரும்பும் வசதி படைத்தவர்களுக்கான பவர்ஃபுல் ஏரியா இது! 2007 முதல் சூப்பர் பைக்குகள் நம் நாட்டில் விற்பனையாகின்றன. யமஹா ஆர்1, எம்டி-01, ஹோண்டா சிபிஆர் 1000, சிபி 1000, சுஸ¨கி ஹயபூஸா, இன்ட்ரூடர் மற்றும் டுகாட்டி பைக்குகளும் இப்போது நம் நாட்டில் விற்பனைக்குக் கிடைக்கின்றன. இவற்றின் விலை 12 லட்சத்தில் இருந்துதான் ஆரம்பிக்கிறது.

யாருக்காக? 

நெடுஞ்சாலைகளிலும், ரேஸ் டிராக்கிலும் சீறிப் பறக்க விரும்புகிறவர்களுக்கானது!

நம் நாட்டில் விற்பனையில் இருக்கும் ஆட்டோமேட்டிக் ஸ்கூட்டர்களில் இரண்டு வகைகள் உள்ளன. டிவிஎஸ் ஸ்கூட்டி, மஹிந்திரா ஃப்ளைட் மற்றும் ஹீரோ ஹோண்டா ப்ளஷர் உள்ளிட்ட ஸ்கூட்டர்கள் கல்லூரிப் பெண்களுக்கானது. ஹோண்டா ஆக்டிவா, ஹோண்டா ஏவியேட்டர் மற்றும் சுஸ¨கி ஆக்ஸஸ் உள்ளிட்ட ஸ்கூட்டர்கள் கொஞ்சம் திடகாத்திரமான நடுத்தர வயதுப் பெண்களுக்காகத் தயாரிக்கப்படுகிறது. இவற்றை ஆண்களும் ஓட்ட முடியும் என்பதால், இந்த ஸ்கூட்டர்கள் வாங்கும் லிஸ்ட்டில் ஆண்களும் இருக்கிறார்கள்.

யாருக்காக? 

ஆட்டோமேட்டிக் ஸ்கூட்டர்கள் பொதுவாக பெண்கள் பயன்படுத்துவதற்காகவே தயாரிக்கப்படுகின்றன.

நாளுக்கு நாள் உயர்ந்துகொண்டே போகும் பெட்ரோல் விலையில் இருந்து தப்பிக்க... இப்போது இருக்கும் ஒரே மாற்று வழி எலெக்ட்ரிக் ஸ்கூட்டர்கள்தான். வீட்டருகே ட்யூஷன், மார்க்கெட் என இளம் பெண்கள் எடுத்துச் செல்ல இந்த லைட் வெயிட் ஸ்கூட்டர்கள் உதவியாக இருக்கும். மின்சாரம் மூலம் சார்ஜ் செய்து இயக்கக் கூடிய இந்த ஸ்கூட்டர்களின் பர்ஃபாமென்ஸ் சுமாராகத்தான் இருக்கும் என்றாலும், பெட்ரோல் விலையைப் பற்றிக் கவலைப்பட வேண்டிய அவசியமே இல்லை! மேலும் புகை, சத்தம், 250 வாட்ஸ§க்குக் குறைவான ஸ்கூட்டர்களுக்கு ரிஜிஸ்ட்ரேஷன், லைசென்ஸ் என எதுவும் கிடையாது. டிவிஎஸ், ஹீரோ, பிஎஸ்ஏ போன்ற நம்பகத்தன்மை வாய்ந்த நிறுவனங்கள் இப்போது இ-ஸ்கூட்டர்களை விற்பனை செய்வதால் நம்பி வாங்கலாம்.

யாருக்காக? 

விலையை மறந்துவிட்டு நகருக்குள் ஜாலியாகச் சுற்றி வர விரும்புபவர்களுக்கானது!

பழைய பைக் மார்க்கெட்டில் திருட்டு பைக்குகள் அதிகமாகப் புழங்கும் என்பதால், இதில் கொஞ்சம் கவனமாக இருக்க வேண்டும். பைக்கின் கலர் மாற்றப்பட்டு இருக்கிறதா என்பதை உஷாராகக் கவனியுங்கள். பைக்கின் கலர் முழுவதும் மாற்றப்பட்டு இருந்தால் திருட்டு பைக்காகவோ அல்லது பெரிய விபத்தில் சிக்கிய பைக்காகவோ இருக்க வாய்ப்பு இருக்கிறது.

நீங்கள் வாங்கப்போகும் அதே பைக்கை வைத்திருக்கும் உங்கள் நண்பர்கள் அல்லது உறவினர்களிடம், அந்த பைக்கின் பர்ஃபாமென்ஸ் மற்றும் மைலேஜ் எப்படி இருக்கும் என்று கேட்டுத் தெரிந்துகொள்ளுங்கள்.

பைக் எந்த ஆண்டு தயாரிக்கப்பட்டு இருக்கிறது; எப்போது ரிஜிஸ்ட்ரேஷன் செய்யப்பட்டு இருக்கிறது என்பதையும் கவனியுங்கள்.

நீங்கள் வாங்கப்போகும் பைக் இப்போது மார்க்கெட்டில் என்ன விலைக்குப் போகிறது என்று விசாரியுங்கள்.

நீங்கள் வாங்கப்போகும் பைக்கின் சர்வீஸ் மற்றும் பராமரிப்புச் செலவுகள் எப்படி இருக்கும் என்பதையும் தெரிந்துகொள்ள வேண்டியது அவசியம். இதற்கு உங்களுக்குத் தெரிந்த மெக்கானிக்குகளின் உதவியை நாடலாம்.

பைக்கில் எக்ஸ்ட்ரா பாகங்கள் பொருத்தப்பட்டு இருக்கிறதா என்று பாருங்கள். குறிப்பாக பைக்கின் பர்ஃபாமென்ஸை அதிகரிக்க ஏதாவது மாடிஃபிகேஷன் செய்யப்பட்டுள்ளதா என்று கவனிக்க வேண்டும்.

பாடி பேனல்கள் மற்றும் ஹெட் லைட் ஃபேரிங் ஆகியவற்றை உற்றுப் பாருங்கள். அடிபட்ட இடத்தில் ஏதாவது வேலை செய்யப்பட்டு இருந்தால் விலையைக் குறைத்துப் பேசுங்கள்.

இறுதியாக அனைத்து ஆவணங்களும் சரியாக இருந்தால் மட்டுமே டீலை முடியுங்கள். சரியான ஆவணங்கள் இல்லாத பைக்குகளை வாங்காமல் தவிர்த்து விடுவதே நல்லது.

டயல்கள் சரியாக வேலை செய்கிறதா?

இன்ஸ்ட்ரூமென்ட் டயல்களைப் பாருங்கள். ஸ்பீடோ, ஓடோ மீட்டர் டயல்கள் சரியாக இருக்கிறதா என்று பாருங்கள். ப்ரீமியம் செக்மென்ட் பைக்குகளில் டிஜிட்டல் மீட்டர்கள் ஒழுங்காக வேலை செய்கிறதா என்று பாருங்கள். சைடு ஸ்டாண்ட் எச்சரிக்கை விளக்கு இருந்தால், சைடு ஸ்டாண்டைப் போட்டுப் பாருங்கள். ஹெட் லைட் சரியாக எரிகிறதா என்றும் பாருங்கள்.

சுலபமாக உட்கார முடிகிறதா?

சீட்டில் வசதியாக உட்கார்ந்து பாருங்கள். இரண்டு கால்களையும் தரையில் வைத்து பைக்கை பேலன்ஸ் செய்ய முடிகிறதா என்று பாருங்கள். பைக் ஒரே பக்கமாகச் சாய்கிறதா என்று கவனியுங்கள். புதிய பைக்காக இருந்தாலும் டெஸ்ட் டிரைவ் செய்யும்போதோ அல்லது யார்டில் இருந்து கொண்டு வரும்போதோ கீழே விழுந்திருக்க வாய்ப்பு இருக்கிறது.

இன்ஜின் கடமுடா....

இன்ஜினை ஆன் செய்தவுடன் இன்ஜினில் இருந்து வித்தியாசமான சத்தம் ஏதாவது வருகிறதா என்று கவனியுங்கள். கடமுடா சத்தம் ஏதாவது எழும்பினால், பைக்கில் பிரச்னை இருக்கிறது என்று அர்த்தம். உடனே அதை டீலரிடம் சொல்லிவிடுங்கள்.

ஸ்டீயரிங்கை வளைத்துத் திருப்பி ஓட்டலாம்!

ஹேண்டில் பாரை சுலபமாகத் திருப்பி ஓட்ட முடிகிறதா என்று பாருங்கள். கிளட்ச், பிரேக் ஆகியவற்றையும் பிடித்துப் பாருங்கள். அனைத்து கியர்களுக்கும் மாற்றி பைக்கை ஓட்டுங்கள். கியர்களை மாற்றும்போது வித்தியாசமான சத்தம் வருகிறதா அல்லது உடனே கியர் மாறாமல் சிக்கல் செய்கிறதா என்றும் கவனியுங்கள்.

நியூட்ரலுக்கு வர முடிகிறதா?

கியரில் இருந்து நியூட்ரலுக்குச் சுலபமாக வர முடிகிறதா என்று பாருங்கள். சடர்ன் பிரேக் அடித்துப் பாருங்கள். பிரேக்கில் இருந்து ஏதாவது சத்தம் வருகிறதா என்றும் கவனியுங்கள்.

பைக் கடன் வாங்கும்போது ப்ரீமியம் தொகையை அதிகமாகச் செலுத்திவிட்டு, இரு ஆண்டுகளுக்குள் கடனைத் திருப்பி செலுத்திவிடுவது நல்லது.

பைக்குகளின் விலை பொதுவாக மூன்று மாதங்களுக்கு ஒருமுறை மாறிக் கொண்டே இருக்கிறது. மேலும், நீங்கள் வாங்கும் பைக்கில் டீலர்கள் ஏதும் டிஸ்கவுன்ட் தருகிறார்களா என்று விசாரியுங்கள். பொதுவாக பைக்விற்பனையில் லாபம் குறைவுதான் என்றாலும், பணமாக டிஸ்கவுன்ட் தருவதற்குப் பதில், உதிரி பாகங்களுக்கு சில டீலர்கள் டிஸ்கவுன்ட் தருவார்கள். இது பற்றிக் கேளுங்கள். நீங்கள் வாங்கப் போகும் பைக்கில் புது மாடல்கள் ஏதும் வரப் போகிறதா என்றும் விசாரியுங்கள். உதாரணத்துக்கு, பஜாஜ் பல்ஸர் 180 புதிதாக வெளிவரப் போவதற்கு ஒரு மாதத்துக்கு முன்பே பழைய ஸ்டாக்கை வேகமாக விற்றுவிட வேண்டும் என்று டீலர்கள் கவனமாக இருப்பார்கள். இதனால், நீங்கள் கொஞ்சம் அதிகமாக டிஸ்கவுன்ட் கேட்டாலும் கொடுத்துவிடுவார்கள். அதனால், உங்களுக்குப் பழைய மாடல் வேண்டும் என்றால் மட்டுமே வாங்குங்கள். இல்லையென்றால் இரண்டு வாரம் அல்லது ஒரு மாதம் பொறுத்திருந்து புதிய பைக்கையே வாங்குங்கள்.

அதேபோல் டிசம்பர், ஜனவரி மாதங்களில் பைக் வாங்கும்போது கொஞ்சம் கவனமாக இருங்கள். டிசம்பர் மாதத்தில் பொதுவாக பைக்குகளுக்கு டிஸ்கவுன்ட் அதிகமாக இருக்கும். இந்த ஆண்டுக்கான மோட்டார் சைக்கிள்களை உடனே விற்றுவிட வேண்டும் என்பதால்தான் இந்த டிஸ்கவுன்ட் மழை என்பதைப் புரிந்து கொள்ளுங்கள். பழைய ஆண்டின் மாடல்கள் அப்படியே ஸ்டாக் இருந்தால் ஜனவரியிலும் டிஸ்கவுன்ட் தொடரும். நீங்கள் கடந்த ஆண்டு மாடலைத்தான் வாங்க விரும்புகிறீர்கள் என்றால், அதன் விலையை மேலும் குறைக்கச் சொல்லுங்கள்.

பைக் கடன்

கார்களைப் போன்று பைக்குகளுக்கு இப்போது நிதி நிறுவனங்கள் அதிகம் கடன் தருவதில்லை என்பதால், கடன் வாங்கி பைக் வாங்குபவர்களின் எண்ணிக்கை குறைந்து கொண்டே வருகிறது. இப்போது 40 சதவிகிதத்தினர் தான் கடன் மூலம் மோட்டார் சைக்கிள்களை வாங்குகின்றனர். பஜாஜ் தனது நிறுவனமான பஜாஜ் ஆட்டோ ஃபைனான்ஸ் மூலமும், யமஹா தனது பூஸான் ஆட்டோ ஃபைனான்ஸ் மூலமும் கடன் தருகிறது. இது தவிர ஹீரோ ஹோண்டா, ஹோண்டா, டிவிஎஸ் உள்ளிட்ட மற்ற பைக் நிறுவனங்கள் சில தனியார் நிறுவனங்கள் மூலம் கடன் வழங்குகின்றன. ஐசிஐசிஐ இரண்டு சக்கர வாகனங்களுக்குக் கடன் தருவதை நிறுத்தி வைத்திருக்கிறது.

எஸ்பிஐ, கனரா வங்கி உள்ளிட்ட பொதுத் துறை வங்கிகளிடம் இருந்து கடன் வாங்குபவர்கள் மிகவும் குறைவு.

பைக் கடனைத் திருப்பிச் செலுத்துவதற்கான காலம் 1, 2 அல்லது 3 ஆண்டுகள் வரை இருக்கும். வட்டி விகிதம் ஆண்டுக்கு ஏற்ப பொதுவாக 6.5 சதவிகிதத்தில் இருந்து 11 சதவிகிதம் வரை போகிறது.

பைக் கடன் வாங்கும்போது ப்ரீமியம் தொகையை அதிகமாகச் செலுத்திவிட்டு இரண்டு ஆண்டுகளுக்குள் கடனைத் திருப்பிச் செலுத்திவிடுவது நல்லது. அப்போதுதான் நீங்கள் திருப்பிச் செலுத்தும் தொகை பைக்கின் விலையைவிட மிகவும் அதிகமாக இருக்காது.

இந்தியாவில் கார் மற்றும் மற்ற வாகனங்களால் நடைபெறும் விபத்துகளைவிட மோட்டார் சைக்கிள் விபத்துகள் 21 சதவிகிதம் அதிகம். அதில் குறிப்பாக, தமிழகத்தில்தான் அதிக விபத்துகள் நடப்பதாக புள்ளி விவரம் ஒன்று எச்சரிக்கிறது. தினமும் குறைந்தபட்சம் 9 பேர் மரணமடைவதாகவும், ஆறு பேர் பலத்த காயமும், தினமும் இருவர் சிறு காயங்களுடன் தப்பிப்பதாகவும் அந்த அறிக்கை தெரிவிக்கிறது. இதில் ஹெல்மெட் அணியாமல் செல்வதால் நடக்கும் உயிரிழப்புகள்தான் 90 சதவிகிதம். அதனால், பைக் வாங்குகிற ஒவ்வொருவருமே முதலில் வாங்க வேண்டியது ஹெல்மெட். பைக்கில் பயணிக்கும்போது எப்போதுமே ஹெல்மெட்டைத் தலையில் அணிந்து செல்லுங்கள். ஹெல்மெட்டை அலட்சியப்படுத்தாதீர்கள். உயிர் காக்கும் விஷயம் இது!

ஹெல்மெட் தலையில் அணிவதால் முடி கொட்டும்; தலை வலிக்கும் போன்ற கட்டுக் கதைகளை நம்பாதீர்கள். ஹெல்மெட் உயிர் காக்கும் விஷயம் என்பதை உணருங்கள்.

ஹெல்மெட்டைத் தலையில் மாட்டும்போது சரியாக ஃபிட் ஆகிறதா என்று பாருங்கள். ஹெல்மெட் மிகவும் இறுக்கமாகவும் இருக்கக் கூடாது. அதிக தளர்வாகவும் இருக்கக்கூடாது.

தாடையில் ஹெல்மெட் ஸ்ட்ராப் இறுக்காமல், கழற்றி மாட்டுவதற்குக் கொஞ்சம் வசதியாக இருக்க வேண்டும்.

ஹெல்மெட் மாட்டிக் கொண்டு, நன்றாக வாயைத் திறந்து மூட முடிகிறதா என்று பாருங்கள்.

ஹெல்மெட்டினுள் காற்று புகுவதற்கு வசதியாக வென்ட்டுகள் வைத்த ஹெல்மெட்டை வாங்குங்கள். நம்மூர் வெயிலுக்கு இதுபோன்ற ஹெல்மெட்டுகள் கொஞ்சம் வசதியாக இருக்கும்.

மிகவும் விலை குறைவான ஹெல்மெட்டுகளில் உள்பக்கம் ஸ்பான்ஜ் மெட்டீரியல் சரியாக வைத்திருக்க மாட்டார்கள். இதனால் ஹெல்மெட்டினுள் இருக்கும் பிளாஸ்டிக் பாகங்கள் தலையில் குத்தி வலியை ஏற்படுத்தும். இதுபோன்ற ஹெல்மெட்டுகளைக் கட்டாயம் தவிர்த்துவிடுங்கள்.

நிறம் அவரவர் விருப்பத்துக்கு ஏற்றதுதான் என்றாலும் இரவிலும் நன்றாகத் தெரியும் வகையில் கலர்ஃபுல்லான ஸ்டிக்கர்கள் ஒட்டப்பட்ட ஹெல்மெட்டுகளை வாங்குவது நல்லது. இரவில் செல்லும்போது கனரக வாகனங்களின் கண்ணில் அப்போதுதான் பளீரென நன்றாகத் தெரியும்.

தரமான ஹெல்மெட்டுகளின் விலை 800 ரூபாயில் இருந்து ஆரம்பிக்கிறது. ஐம்பதாயிரம் ரூபாய் கொடுத்து பைக் வாங்கிவிட்டு ஆயிரம் ரூபாய் ஹெல்மெட்டுக்குச் செலவழிக்கத் தயங்காதீர்கள். ஐஎஸ்ஐ முத்திரை குத்தப்பட்ட ஹெல்மெட்டுகளை மட்டுமே வாங்குங்கள்.

உங்களுக்கான பைக்தானா என்பதை உறுதிப்படுத்திக்கொள்ளுங்கள். அதாவது, பைக் ரெஜிஸ்ட்ரேஷன் கொண்டு போகும் முன் அதன் சேஸி மற்றும் இன்ஜின் நம்பரைக் குறித்து வைத்துக் கொள்ளுங்கள். அந்த எண் கொண்ட பைக்தான் ரிஜிஸ்ட்ரேஷன் செய்யப்பட்டு இருக்கிறதா என்று பாருங்கள்.

சில பைக் மற்றும் ஸ்கூட்டர்களின் வெயிட்டிங் பீரியட் அதிகமாக இருக்கும். அதுபோன்ற வாகனங்களை ரிஜிஸ்ட்ரேஷன் கொண்டு செல்வதற்கு முன் நீங்களே நேரில் போய் பைக்கைப் பாருங்கள். டெஸ்ட் டிரைவ் செய்யும்போது நீங்கள் கவனித்த விஷயங்களை மறக்காமல் இதில் கவனியுங்கள். எக்காரணம் கொண்டும் உங்களுக்கான பைக்கை நீங்கள் நேரில் பார்க்காமல் டீலரை ரிஜிஸ்ட்ரேஷன் செய்யச் சொல்லாதீர்கள்.

ரிஜிஸ்ட்ரேஷன் செய்வதற்கு முன் எப்போதுமே டெலிவரி எடுக்கக் கூடாது. இது சட்டப்படி தவறு. பூஜை செய்வதற்காகக் கொண்டு செல்வதும் தவறுதான். இதுபோன்றநேரத்தில் பைக் விபத்தில் சிக்கினால் எதுவும் செய்ய முடியாது.

டெலிவரி எடுக்கும்போது இன்ஷ¨ரன்ஸ் பேப்பரை மறக்காமல் வாங்குங்கள். டெலிவரி எடுக்கும்போது இன்ஷ¨ரன்ஸில் இன்ஜின் எண் மற்றும் சேஸி எண் சரியாக இருக்கிறதா என்றும் பாருங்கள். முதல் இன்ஷ¨ரன்ஸில் பைக்கின் ரிஜிஸ்ட்ரேஷன் எண் இருக்காது.

நீங்கள் பொருத்தச் சொன்ன உதிரி பாகங்கள் அனைத்தும் பொருத்தப்பட்டு இருக்கிறதா என்று பாருங்கள்.

இக்னீஷியன், சைடு லாக் மற்றும் பெட்ரோல் டேங்க் ஆகிய அனைத்துக்கும் ஒரே சாவிதான் என்பதால், இவை அனைத்தையும் சாவியால் சரியாக இயக்க முடிகிறதா என்று பாருங்கள். அதேபோல் இந்தச் சாவி மூலம் சீட்டையும் திறக்க முடிகிறதா என்றும் பாருங்கள்.

டூல் கிட் சரியாக இருக்கிறதா என்று பாருங்கள்.